XX. mendeko Euskararen Corpus estatistikoa

Testuingurua

Gûk eta zaharrek
etxeki dûgûn bezala,
Etxaltia behar dûkek
hik zaiñkatû hala hala.

Eta zû, Xaxi maitia,
zirate etxenko bihotza:
Etxekandere berria,
gureki zure egoitza.

Jinkuaren eretzian,
herriaren eretzian,
Gûziak gira etxian
algar maithatûko bathian.

Pette
Etxenkûen aitzinian,
ziek oro jakile heben,
Xaxi dit emaztetako
ordian eneki biltzen.

Xaxi
Etxenkuen aitzinian,
ziek oro jakile heben,
Pette dit nik senhartako
ordian eneki biltzen.

Apheza
Bata bestiarentako
bizi zite jûntatûrik,
Ta maitha ziztaie
zien lokharriak tinkirik.

Ezar erhaztûnak. Sar aiñgûriak eta khanta.

Adarxkûan, besten onduan
txilintxaû bi sagar gorri;
Udazkenialat dirade
izanen amiragarri.